ఆపరేషన్ వజ్రప్రహార్: రికార్డులు లేని 6 ద్విచక్ర వాహనాలు స్వాధీనం

పాత నేరస్తులు, అనుమానితుల ఇళ్లలో, అనుమానిత ప్రాంతాల్లో క్షుణ్ణంగా తనిఖీలు నిర్వహించి, వాహనాల రికార్డులను పరిశీలించారు. సరైన రికార్డులు లేని 6 ద్విచక్ర వాహనాలను స్వాధీనం చేసుకున్నారు. రౌడీ షీటర్లు, ట్రబుల్ మాంగర్లు, సస్పెక్ట్ షీటర్లకు కౌన్సిలింగ్ ఇచ్చారు.

చట్ట వ్యతిరేక కార్యకలాపాలకు పాల్పడితే కఠిన చర్యలు తీసుకుంటామని పోలీసులు హెచ్చరించారు. రికార్డులు లేని వాహనాలను కొనుగోలు చేయవద్దని, అసాంఘిక, చట్ట వ్యతిరేక కార్యకలాపాలకు దూరంగా ఉండాలని సూచించారు. సైబర్ నేరాలు, రహదారి భద్రత, మహిళల రక్షణ చట్టాలపై స్థానికులకు అవగాహన కార్యక్రమం నిర్వహించారు.

గంజాయి గురించి ఏదైనా సమాచారం తెలిస్తే వెంటనే 1972కు గాని, డయల్ 112కు గాని, స్థానిక పోలీస్ స్టేషన్ కు గాని అందించాలని ప్రజలను కోరారు. అనంతరం యువత, ప్రజలతో యాంటీ డ్రగ్స్ పై ప్రతిజ్ఞ చేయించి, గంజాయి వలన కలిగే దుష్ప్రభావాలను వివరించి, దాని జోలికి వెళ్లవద్దని కోరారు.