టీడీఆర్ బాండ్ల కుంభకోణం: విజిలెన్స్ విచారణ షురూ

గత వైసీపీ ప్రభుత్వ హయాంలో జారీ చేసిన టీడీఆర్ బాండ్లలో భారీ అవకతవకలు జరిగినట్లు ఆరోపణలు వెల్లువెత్తడంతో, కూటమి ప్రభుత్వం విజిలెన్స్ విచారణకు ఆదేశించింది. ముఖ్యంగా, తిరుపతికి చెందిన ఇద్దరు కీలక నేతలు ఈ కుంభకోణంలో ప్రమేయం ఉన్నట్లు సమాచారం.

కొత్త కూటమి ప్రభుత్వం అధికారంలోకి వచ్చిన నేపథ్యంలో, గత ప్రభుత్వాల పాలనలో జరిగిన అవినీతిపై దృష్టి సారించింది. అందులో భాగంగా, రాష్ట్రవ్యాప్తంగా జారీ చేయబడిన టీడీఆర్ బాండ్ల వ్యవహారంలో అక్రమాలు జరిగినట్లు వచ్చిన ఫిర్యాదులపై విజిలెన్స్ అధికారులు విచారణ ప్రారంభించారు.

ఈ విచారణలో, ఆనాటి తిరుపతి ఎమ్మెల్యే భూమన కరుణాకరరెడ్డి, ఆయన కుమారుడు, అప్పటి కార్పొరేషన్ డిప్యూటీ మేయర్ అభినయ్‌ కలిసి టీడీఆర్ బాండ్ల జారీలో రూ. 414.87 కోట్ల మేర అవినీతికి పాల్పడినట్లు ప్రాథమికంగా గుర్తించినట్లు సమాచారం.