మూడేళ్లు నిండిన చిన్నారులను అంగన్వాడీ కేంద్రాల్లో, ఐదేళ్లు పూర్తి చేసుకున్న పిల్లలను ప్రభుత్వ ప్రాథమిక పాఠశాలల్లో చేర్పించే లక్ష్యంతో 'అంగనవాడి పిలుస్తుంది' కార్యక్రమం నిర్వహిస్తున్నట్లు అంగన్వాడీ కార్యకర్తలు తెలిపారు. ఈ నేపథ్యంలో, అంగన్వాడీ కేంద్రాలను బలోపేతం చేయడానికి తల్లిదండ్రులు సహకరించాలని వారు విజ్ఞప్తి చేశారు.
రాజంపేట పట్టణంలోని బోయపాలెం అంగన్వాడీ పరిసర ప్రాంతాల్లో కార్యకర్తలు శివరంజని, అమరావతి, ప్రసన్న లక్ష్మీ పర్యటించారు. మూడు సంవత్సరాలు పైబడిన విద్యార్థిని విద్యార్థులను అంగన్వాడీలలో చేర్పించేందుకు తమ వంతు కృషి చేస్తున్నట్లు వారు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
గురువారం జరిగిన 'అంగనవాడి పిలుస్తుంది' కార్యక్రమంలో భాగంగా, కొంతమంది విద్యార్థులను అంగన్వాడీ కేంద్రంలో చేర్పించుకున్నట్లు కార్యకర్తలు పేర్కొన్నారు. పిల్లల విద్యను ప్రోత్సహించడంలో అంగన్వాడీల పాత్ర కీలకమని వారు నొక్కి చెప్పారు.
