మైనర్ డ్రైవింగ్, సైబర్ నేరాలపై విద్యార్థులకు అవగాహన: పోలీస్

గౌరవనీయులైన జిల్లా సూపరింటెండెంట్ ఆఫ్ పోలీస్ శ్రీ ఎం. రాజేష్ చంద్ర ఐపీఎస్ గారి ఆదేశానుసారం, ఎస్ఎస్ నగర్ ఇన్స్పెక్టర్ శ్రీ ఎస్. వీరయ్య ఆధ్వర్యంలో పోలీస్ కళాబృందం ఈ అవగాహన కార్యక్రమాన్ని నిర్వహించింది. ఈ సందర్భంగా ఇన్స్పెక్టర్ మాట్లాడుతూ, లను ఎవరికీ చెప్పవద్దని, బైకులు నడిపేటప్పుడు తప్పనిసరిగా హెల్మెట్ ధరించాలని, కుటుంబ సభ్యులు హెల్మెట్ ధరించేలా ప్రోత్సహించాలని, మైనర్లు డ్రైవింగ్ చేయవద్దని సూచించారు.

సైబర్ నేరాలు, అత్యవసర నంబర్లు

సైబర్ నేరాల టోల్ ఫ్రీ నంబర్ 1930, మాదక ద్రవ్యాల టోల్ ఫ్రీ నంబర్ 1908, షి టీమ్ నంబర్ 8712686094 కు కాల్ చేయాలని, అత్యవసర సమయాల్లో 112కు కాల్ చేయాలని సూచించారు. ఇన్స్టాగ్రామ్, ఫేస్బుక్ వంటి సోషల్ మీడియాతో జాగ్రత్తగా ఉండాలని, మంచి లక్ష్యంతో చదువుకోవాలని, చిన్న పొరపాటు చేసినా జీవితాలు నాశనమవుతాయని, తల్లిదండ్రులు, అధ్యాపకులు చెప్పిన మాట వినాలని, ఎవరినీ నమ్మి మోసపోవద్దని, మూఢనమ్మకాలను నమ్మవద్దని, టెక్నాలజీ, సైన్స్ ను నమ్మాలని, ఎటువంటి చిన్న నేరాలకు పాల్పడవద్దని విద్యార్థులకు వివరించారు.

కళాబృందం ప్రదర్శన

పోలీస్ కళాబృందం ఇన్చార్జి హెడ్ కానిస్టేబుల్ రామంచ తిరుపతి, హెడ్ కానిస్టేబుల్స్ యు. శేషారావు, పీసీ ప్రభాకర్లు మాటలు, పాటల ద్వారా ఈ కార్యక్రమాన్ని నిర్వహించారు. ఈ కార్యక్రమంలో ఎస్ఎస్ నగర్ ఇన్స్పెక్టర్ శ్రీ వీరయ్య, ఎంఈఓ శ్రీ జోసెఫ్, కళాశాల ప్రిన్సిపాల్ శ్రీ రాజిరెడ్డి, ఉపాధ్యాయురాలు శ్రీమతి లక్ష్మి మేడమ్, ఉపాధ్యాయ బృందం, ఎల్లారెడ్డి షి టీమ్ పీసీ శ్రీశైలం, డబ్ల్యూపీసీ మంజుల పాల్గొన్నారు.

షి టీమ్ పనితీరు, మహిళలకు రక్షణ, ఫోక్సో కేసులు, మైనర్ నేరాల గురించి కూడా వివరించారు. ఉపాధ్యాయ బృందం, విద్యార్థిని విద్యార్థులు ఈ కార్యక్రమంలో పాల్గొన్నారు.