ఇన్-సర్వీస్ ఉపాధ్యాయులకు టెట్ నుంచి మినహాయింపు: మంత్రి ఫరూక్‌కు ఫ్యాప…

విద్యా హక్కు చట్టం-2009, ఎన్.సి.టి.ఇ నిబంధనల ప్రకారం ఉపాధ్యాయ నియామకాలకు టెట్ ఉత్తీర్ణత తప్పనిసరి అని, అయితే సుప్రీంకోర్టు తీర్పుల నేపథ్యంలో ఇన్-సర్వీస్ టీచర్లు కూడా టెట్ పాస్ కావాల్సిన పరిస్థితి ఏర్పడిందని పేర్కొన్నారు. దీనివల్ల సుదీర్ఘ కాలంగా విధులు నిర్వహిస్తున్న ఉపాధ్యాయులు తీవ్ర ఇబ్బందులకు గురవుతున్నారని వారు ఆవేదన వ్యక్తం చేశారు.

కావున, ఉపాధ్యాయుల ప్రయోజనాల దృష్ట్యా, కేంద్ర ప్రభుత్వానికి సిఫార్సు చేసి విద్యా హక్కు చట్టంలోని సెక్షన్ 23(1) ని సవరించేలా చొరవ చూపాలని వారు మంత్రి ఫరూక్ ని కోరారు. అలాగే, ఇన్-సర్వీస్ ఉపాధ్యాయుల కోసం రాష్ట్ర ప్రభుత్వం ప్రత్యేకంగా టెట్ పరీక్షను నిర్వహించాలని, ఇందులో 40 శాతం అర్హత మార్కులు ఉండేలా మరియు వారి బోధనాంశాల ఆధారంగా సిలబస్ రూపొందించేలా చర్యలు తీసుకోవాలని విజ్ఞప్తి చేశారు.

తమ సమస్యలను సావధానంగా విన్న మంత్రి ఎన్ఎండి ఫరూక్ ఉపాధ్యాయుల ఇబ్బందులను పరిగణనలోకి తీసుకుని, ఈ అంశంపై సానుకూల నిర్ణయం కోసం సంబంధిత ఉన్నతాధికారులతో చర్చిస్తానని మరియు ప్రభుత్వం తరపున తగిన చర్యలు తీసుకుంటామని హామీ ఇచ్చారు.

ఈ కార్యక్రమంలో ఫ్యాప్టో నంద్యాల జిల్లా సెక్రటరీ దస్తగిరి, చైర్మన్ రామ చంద్రారెడ్డి, దీప్యూటీ సెక్రటరీ జనరల్ పి. వి. ప్రసాద్, శ్రీనివాసులు, చైర్మన్ ఎల్.సాయి శ్రీనివాస్, ఉర్దూడిఐ అస్ముద్దీన్, సెక్రటరీ జనరల్ ఎస్.చిరంజీవి, కో-చైర్మన్లు కె.నరహరి, చిట్టెటి రమేష్, చంద్రశేఖర్, చందోలు వెంకటేశ్వర్లు, కె.ప్రకాశరావు, డిప్యూటీ సెక్రటరీ జనరల్స్ ఎన్.వెంకటేశ్వర్లు, కె.బసవ లింగారావు, గుత్తా శ్రీనివాసరావు, కోశాధికారి చింతల సుబ్బారావు, కార్యదర్శులు సయ్యద్ ఇక్బాల్, డి.మధుసూదనరావు, ఎం.ప్రవీణ్ కిరణ్ తదితర ఉపాధ్యాయ సంఘాల నాయకులు పాల్గొన్నారు.