విద్యార్థుల గర్జన: దేశ విద్యావ్యవస్థపై కాంగ్రెస్ ఆందోళన

ఈ కార్యక్రమంలో నంద్యాల జిల్లా డోన్ నుంచి తెలుగు విజయ్ కుమార్ పాల్గొన్నారు. యూత్ కాంగ్రెస్ జాతీయ ప్రధాన కార్యదర్శి నాగ మధు యాదవ్, ఆంధ్రప్రదేశ్ యూత్ కాంగ్రెస్ అధ్యక్షులు రామారావు, నూతనంగా నియమితులైన నూనె పవన్ తేజ, రాష్ట్ర ప్రధాన కార్యదర్శి తెలుగు విజయ్ కుమార్ లు మోదీ ప్రభుత్వ హయాంలో జరిగిన పరీక్షా పత్రాల లీకులు, పరీక్షల నిర్వహణలో వైఫల్యాలు, నియామక ప్రక్రియల్లో జాప్యాలపై తీవ్ర విమర్శలు గుప్పించారు.

నీట్ పరీక్షా పత్రం లీక్ కారణంగా ఆత్మహత్యలు చేసుకున్న విద్యార్థుల ఘటనపై కేంద్ర విద్యాశాఖ మంత్రి బాధ్యతా రహితంగా వ్యవహరిస్తున్నారని, రాజీనామా చేయాలని డిమాండ్ చేశారు. మోదీ ప్రభుత్వం విద్యార్థులకు ఎలాంటి హామీలు ఇవ్వడం లేదని ఆరోపించారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేసేంత వరకు తమ పోరాటాలు కొనసాగిస్తామని తెలిపారు.

ఈ సందర్భంగా వారు మూడు ప్రధాన డిమాండ్లను ముందుంచారు: కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలి. దేశ పరీక్షా వ్యవస్థలో సమగ్ర సంస్కరణలు తీసుకురావాలి. ప్రతి ఏడాది పరీక్షలు, ఉద్యోగ నియామకాల కోసం వార్షిక క్యాలెండర్ అమలు చేయాలి.

దేశవ్యాప్తంగా విద్యార్థుల సమస్యలను ప్రజల ముందుకు తీసుకెళ్లేందుకు 'ఛాత్రోన్ కీ గూంజ్' ఉద్యమాన్ని 28 నగరాలకు విస్తరించనున్నట్లు తెలిపారు. విద్యార్థుల భవిష్యత్తు కోసం జరుగుతున్న ఈ పోరాటం ఆగదని, వారి స్వరం దేశమంతా వినిపించే వరకు కాంగ్రెస్ పార్టీ, యూత్ కాంగ్రెస్ పోరాడుతుందని స్పష్టం చేశారు.