రాప్తాడులో పదో తరగతి విద్యార్థినిపై ఎలక్ట్రిక్ రంపంతో దాడి చేసిన కేసులో నిందితుడు హేమంత్కు వైద్యులు శస్త్రచికిత్స నిర్వహించి, అతడి కుడి కాలును పూర్తిగా తొలగించారు. అనంతపురం ప్రభుత్వ సర్వజన ఆస్పత్రిలో సోమవారం అర్ధరాత్రి దాటిన తర్వాత ఈ ఆపరేషన్ జరిగింది. మరోవైపు, దాడిలో గాయపడిన బాలిక ఆరోగ్యం మెరుగుపడుతోంది.
పోలీసులు అదుపులోకి తీసుకునే ప్రయత్నంలో ఆత్మకూరు అటవీ ప్రాంతంలో హేమంత్పై కాల్పులు జరిపారు. ఈ ఘటనలో అతడి రెండు కాళ్లకు తీవ్ర గాయాలయ్యాయి. కుడి కాలుకు రక్తప్రసరణ పూర్తిగా నిలిచిపోవడంతో కణజాలం దెబ్బతిని గ్యాంగ్రీన్ ఏర్పడింది. ఇన్ఫెక్షన్ ఇతర భాగాలకు వ్యాపించి ప్రాణాపాయం కలగకుండా వైద్యులు కుడి కాలును మోకాలి పైభాగం వరకు తొలగించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎడమ కాలుకు మరో శస్త్రచికిత్స
ఎడమ కాలులోనూ రక్తనాళాలు దెబ్బతినడంతో వైద్యులు మరో శస్త్రచికిత్స నిర్వహించారు. ప్రస్తుతం హేమంత్ను ఆపరేషన్ థియేటర్ నుంచి అత్యవసర వైద్య సంరక్షణ విభాగానికి తరలించి చికిత్స అందిస్తున్నారు. అతడి ఆరోగ్య పరిస్థితి ప్రస్తుతం నిలకడగా ఉందని ఆస్పత్రి సూపరింటెండెంట్ డాక్టర్ మల్లీశ్వరి వెల్లడించారు.
