బ్యూరో,,మణుగూరు,,కలెక్టర్,కొత్తగూడెం,జిల్లా,మణుగూరు,మండలంలోని,కాలనీ,-,భోజన,పథకం,,మణుగూరు,:నవంబర్:10:భద్రాద్రి,కొత్తగూడెం,జిల్లా,బ్యూరో,ోజనం

భద్రాద్రి కొత్తగూడెం జిల్లా మణుగూరు మండలంలోని చిన్నరాయిగూడెం కాలనీ ప్రాథమిక పాఠశాలను సబ్ కలెక్టర్ మృణాల్ శ్రేష్ఠ ఐఏఎస్ తనిఖీ చేశారు. ఈ సందర్భంగా పాఠశాలలో విద్యార్థులకు అందిస్తున్న మధ్యాహ్న భోజన పథకం అమలు తీరును, భోజనం నాణ్యతను స్వయంగా పరిశీలించారు. విద్యార్థులతో కలిసి భోజనం చేసి వారితో ముచ్చటించారు.

అనంతరం పాఠశాలలోని తరగతి గదులు, మరుగుదొడ్లు, తాగునీటి సదుపాయాలను పరిశీలించారు. విద్యార్థులకు ఎలాంటి ఇబ్బందులు కలగకుండా పాఠశాలలో అవసరమైన మౌలిక సదుపాయాలను మెరుగుపరచాలని సూచించారు. మరమ్మతులు అవసరమైన చోట్ల వెంటనే పనులు చేపట్టాలని సంబంధిత అధికారులను ఆదేశించారు.

విద్యార్థులకు నాణ్యమైన విద్యతో పాటు పరిశుభ్రమైన వాతావరణం, మెరుగైన సదుపాయాలు కల్పించాల్సిన బాధ్యత అధికారులపై ఉందని ఈ తనిఖీ సందర్భంగా స్పష్టం చేశారు.