ఫీజు రీయింబర్స్మెంట్, స్కాలర్షిప్ బకాయిలు వెంటనే విడుదల చేయాలి: ఆర్ఎస్ఎఫ్

ఈ సందర్భంగా ఆయన మాట్లాడుతూ, గత ఐదు సంవత్సరాలుగా ప్రభుత్వం నుండి వివిధ రూపాల్లో ఫీజు బకాయిలు పెండింగ్లో ఉన్నాయని ఆయన అన్నారు. 7 వేల కోట్ల రూపాయలకు పైగా ఇంజనీరింగ్, డిగ్రీ, గతంలో నిలిపివేసిన ఎంబీఏ, ఎంసీఏ తదితర పీజీ కోర్సుల ఫీజు బకాయిలు అలానే పెండింగ్లో ఉన్నాయని ఆయన తెలిపారు. దీనివల్ల చదువులు పూర్తి చేసుకున్న విద్యార్థులు సొంతంగా ఫీజులు చెల్లించలేక తీవ్ర ఇబ్బందులకు గురవుతున్నారని ఆయన పేర్కొన్నారు.

సర్టిఫికెట్ల జారీలో జాప్యం

కొన్ని కళాశాలలు ఫీజులు కట్టలేదని సర్టిఫికెట్లు ఇవ్వమని చెబుతున్నాయని ఆయన తెలిపారు. జిల్లాలో చాలా కళాశాలల్లో ఫీజు బకాయిల పేరుతో సర్టిఫికెట్లు కూడా విద్యార్థులకు ఇవ్వడం లేదని ఆయన అన్నారు. జిల్లా కలెక్టర్ దీనిపై స్పందించాలని ఆయన కోరారు. అదేవిధంగా విద్యార్థులకు రావాల్సిన ఫీజు బకాయిలను రాష్ట్ర ప్రభుత్వం వెంటనే చెల్లించాలని ఆయన డిమాండ్ చేశారు.

ఈ కార్యక్రమంలో ఆర్ఎస్ఎఫ్ నగర అధ్యక్షులు ఉమెర్, కార్యదర్శి నిపుల్, ఉపాధ్యక్షులు సోహెల్, నాయకులు గౌస్ పీర్, నవీన్ మన్విత్ తదితరులు పాల్గొన్నారు.