మద్యం మత్తులో డ్రైవింగ్.. తిరుపతి కోర్టులో 21 రోజుల జైలు శిక్ష

నిందితుడు బుజ్జిపల్లి రామాంజనేయులు (45), తండ్రి: బి. శ్రీరాములు, పద్మా నగర్, రేణిగుంట మండలం, కోర్టు ఎదుట హాజరై తన నేరాన్ని అంగీకరించడంతో, మోటార్ వెహికల్స్ యాక్ట్లోని సంబంధిత సెక్షన్ కింద న్యాయస్థానం అతన్ని దోషిగా నిర్ధారించింది.

అధికారుల హెచ్చరిక

మద్యం సేవించి వాహనం నడపడం చట్టవిరుద్ధమే కాకుండా, డ్రైవర్తో పాటు ఇతరుల ప్రాణాలకు కూడా ప్రమాదకరమని తిరుపతి జిల్లా ఎస్పీ ఎల్. సుబ్బరాయుడు, ఐపీఎస్., తెలిపారు.

డ్రంక్ అండ్ డ్రైవ్పై పోలీసులు నిరంతరం తనిఖీలు నిర్వహిస్తూ, నిబంధనలు ఉల్లంఘించే వారిపై చట్టప్రకారం కఠిన చర్యలు తీసుకుంటామని స్పష్టం చేశారు.

వాహనదారులు మద్యం సేవించి వాహనం నడపకుండా బాధ్యతాయుతంగా వ్యవహరించాలని, రోడ్డు భద్రతా నిబంధనలు పాటించి తమతో పాటు ఇతరుల ప్రాణాలను కాపాడాలని జిల్లా ఎస్పీ సూచించారు.