నిరుపేదల,సొంతింటి,కల,సాకారం..,ఆడబిడ్డలకు,గ్రామానికి, నవంబర్ 9: భద్రాద్రి,కొత్తగూడెం,జిల్లా,బ్యూరో,,బూర్గంపహాడ్,రోసా

భద్రాద్రి కొత్తగూడెం జిల్లా మండల కేంద్రంలోని రైతు వేదికలో టేకుల చెరువు గ్రామానికి చెందిన లబ్ధిదారులకు ఇందిరమ్మ ఇళ్ల మంజూరి పత్రాలు, కల్యాణలక్ష్మి పథకం కింద మంజూరైన చెక్కులను పంపిణీ చేశారు. ఈ కార్యక్రమానికి పినపాక ఎమ్మెల్యే, తెలంగాణ శాసనసభ ఎస్టీ సంక్షేమ కమిటీ చైర్మన్ పాయం వెంకటేశ్వర్లు హాజరై లబ్ధిదారులకు మంజూరి పత్రాలు, చెక్కులను అందజేశారు.

ఈ సందర్భంగా ఎమ్మెల్యే పాయం వెంకటేశ్వర్లు మాట్లాడుతూ.. అర్హులైన నిరుపేద కుటుంబాలకు సొంతింటి కలను సాకారం చేయాలనే లక్ష్యంతో రాష్ట్ర ప్రభుత్వం ఇందిరమ్మ ఇళ్ల పథకాన్ని అమలు చేస్తోందని అన్నారు. సొంత ఇల్లు లేని పేద కుటుంబాలను గుర్తించి ఇళ్లను మంజూరు చేయడం ద్వారా ప్రభుత్వం వారికి అండగా నిలుస్తోందని తెలిపారు.

అదేవిధంగా ఆడబిడ్డల వివాహాలకు ఆర్థిక భరోసా కల్పించేందుకు కల్యాణలక్ష్మి పథకం ద్వారా ప్రభుత్వం ఆర్థిక సహాయం అందిస్తోందని తెలిపారు. పేద కుటుంబాల సంక్షేమం, ఆర్థిక అభివృద్ధే లక్ష్యంగా ప్రభుత్వం పలు సంక్షేమ పథకాలను అమలు చేస్తోందని అన్నారు.

ప్రభుత్వం అందిస్తున్న సంక్షేమ పథకాలను అర్హులైన ప్రతి ఒక్కరూ సద్వినియోగం చేసుకోవాలని సూచించారు.

ప్రజా సంక్షేమమే ధ్యేయంగా అర్హులైన లబ్ధిదారులందరికీ ప్రభుత్వ పథకాలు అందేలా నిరంతరం కృషి చేస్తానని ఎమ్మెల్యే స్పష్టం చేశారు.

కార్యక్రమంలో పాల్గొన్నవారు

ఈ కార్యక్రమంలో ఎంపీడీవో, తహసీల్దార్ (ఎంఆర్ఓ), హౌసింగ్ ఏఈ, మండల అధ్యక్షుడు పి. సుధాకర్ రెడ్డి, జిల్లా ముఖ్య నాయకులు, సర్పంచులు, ఉపసర్పంచులు, వార్డు సభ్యులు, మాజీ ప్రజాప్రతినిధులు, యూత్ నాయకులు, మహిళా నాయకులు, పార్టీ కార్యకర్తలు తదితరులు పాల్గొన్నారు.