షుగర్ ఫ్యాక్టరీల అమ్మకంపై ఆగ్రహం.. కూటమి ప్రభుత్వంపై రవీంద్రనాథ్ రెడ్డి విమర్శలు

కూటమి ప్రభుత్వం అధికారంలోకి వచ్చాక ఫ్యాక్టరీలు అమ్మడం తప్ప కొత్తగా ఏర్పాటు చేసిన దాఖలాలు లేవని ఎద్దేవా చేశారు. షుగర్ ఫ్యాక్టరీలు అప్పుల్లో ఉన్నాయనే సాకుతో చంద్రబాబు ఫ్యాక్టరీలు అమ్ముతున్నారని విమర్శించారు.

చంద్రబాబు నాయుడు చేసిన 4 లక్షల కోట్ల రూపాయల అప్పులో షుగర్ ఫ్యాక్టరీల కోసం 1300 కోట్ల రూపాయలు కేటాయించలేని దీనస్థితిలో కూటమి ప్రభుత్వం ఉందని ఆరోపించారు. డాక్టర్ వైఎస్ రాజశేఖర్ రెడ్డి, జగన్మోహన్ రెడ్డి సహకార కర్మాగారాల అభివృద్ధికి ఎంతో కృషి చేశారని గుర్తు చేశారు.

తీవ్ర ఖండన

3000 కోట్ల రూపాయల ఆస్తిని చంద్రబాబు వేలం వేయడం దారుణమని, దీనిని తీవ్రంగా ఖండిస్తున్నామన్నారు.

ప్రభుత్వం వెంటనే ఫ్యాక్టరీల అమ్మకం నిర్ణయాన్ని వెనక్కి తీసుకోవాలని, లేనిపక్షంలో రైతులతో కలిసి పెద్ద ఎత్తున ఆందోళనలు చేపడతామని హెచ్చరించారు.