పశ్చిమ జిల్లా పెనుగొండలో డంపింగ్యార్డు నిర్వహణతో నక్కల డ్రెయిన్ పూడుకుపోయి సుమారు వెయ్యి ఎకరాల పంట పొలాలు ముంపునకు గురవుతున్నాయని రైతులు ఆందోళన వ్యక్తం చేశారు. సమస్య పరిష్కారం కోరుతూ సోమవారం 300 మంది రైతులు రాస్తారోకో నిర్వహించారు.
పశ్చిమ జిల్లాలోని పెనుగొండలో రైతులు తమ పంట పొలాలు ముంపునకు గురవుతున్నాయని నిరసనకు దిగారు. డంపింగ్యార్డు నిర్వహణతో నక్కల డ్రెయిన్ పూడుకుపోవడంతో సుమారు వెయ్యి ఎకరాల వ్యవసాయ భూములు ముంపునకు గురయ్యాయని రైతులు ఆందోళన వ్యక్తం చేశారు. ఈ సమస్యకు పరిష్కారం చూపాలని కోరుతూ సోమవారం సుమారు 300 మంది రైతులు పెనుగొండ ప్యాలెస్ రోడ్డు సెంటర్లో బైఠాయించి రాస్తారోకో నిర్వహించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
గ్రామంలో సేకరించిన చెత్తను డంపింగ్యార్డులో వేయడం వల్ల నక్కల డ్రెయిన్ క్రమంగా పూడుకుపోయి చిన్న కాలువగా మారిపోయిందని రైతులు ఆరోపించారు. దీంతో కోడవల్లి, ఖండ్రిక అగ్రహారం, పేకేరు, అయితంపూడి, పిట్టల వేమవరం గ్రామాలకు చెందిన వందలాది ఎకరాల పంట పొలాలు ముంపునకు గురవుతున్నాయని తెలిపారు. వర్షాలు కురిసిన ప్రతిసారీ పంటలు నీట మునిగి తీవ్ర నష్టం వాటిల్లుతోందని ఆవేదన వ్యక్తం చేశారు.
