రైల్వే పట్టాల భద్రతను పటిష్టం చేసేందుకు ట్రాక్మెన్లకు జీపీఎస్ ఆధారిత ట్రాకింగ్ పరికరాలను అందించే చర్యలు చేపడుతున్నారు. పట్టాల తనిఖీలు, మరమ్మతులు, గస్తీ విధుల్లో ఉన్న సిబ్బంది కదలికలను పర్యవేక్షించడానికి ఈ సాంకేతికత ఉపయోగపడుతుంది.
రైల్వే ట్రాక్మెన్లు తమ విధుల్లో భాగంగా నిర్ణీత మార్గాల్లో పట్టాలను పరిశీలిస్తూ, ఎక్కడైనా పగుళ్లు, విరిగిన భాగాలు, ఇతర లోపాలు కనిపిస్తే అధికారులకు సమాచారం అందించాల్సి ఉంటుంది. ప్రస్తుతం ఈ తనిఖీల వివరాలు వివిధ పద్ధతుల్లో నమోదు చేస్తున్నారు. జీపీఎస్ పరికరాల వినియోగంతో సిబ్బంది ఏ ప్రాంతంలో విధులు నిర్వహిస్తున్నారు, తనిఖీలు చేపట్టిన మార్గం ఏమిటి అనే వివరాలను తెలుసుకునే అవకాశం ఉంటుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భద్రతకు సాంకేతిక సహకారం
రైల్వే పట్టాలపై గస్తీ నిర్వహించే కీమెన్, పెట్రోల్మెన్ కదలికలను జీపీఎస్ ద్వారా గుర్తించే విధానంపై రైల్వే శాఖ గతంలోనే చర్యలు చేపట్టింది. రైల్వే వార్షిక నివేదికలో పెట్రోల్మెన్, కీమెన్ కదలికలను రైల్వే భౌగోళిక సమాచార వ్యవస్థతో అనుసంధానించే నమూనా పరీక్ష పూర్తయినట్లు పేర్కొంది.
