కామారెడ్డి నిజాంసాగర్ చౌరస్తాలో డార్క్ ఐ బొల్లార్డ్స్ ఏర్పాటు: ట్రాఫి…

కామారెడ్డి పట్టణ సీఐ నరహరి ఆధ్వర్యంలో, ట్రాఫిక్ ఎస్‌ఐ చంద్రశేఖర్ గౌడ్ పర్యవేక్షణలో ఈ పనులు కొనసాగుతున్నాయి. రాత్రి వేళల్లో కూడా స్పష్టంగా కనిపించేలా ప్రతిబింబించే డార్క్ ఐ బొల్లార్డ్స్‌ను ఏర్పాటు చేయడం ద్వారా వాహనదారులకు దారి స్పష్టంగా కనిపించడంతో పాటు ప్రమాదాలను నివారించేందుకు వీలవుతుందని పోలీసులు తెలిపారు.

ఈ ఏర్పాట్లతో చౌరస్తాలో ట్రాఫిక్ క్రమబద్ధీకరణకు, వాహనాల రాకపోకలు సాఫీగా సాగేందుకు, ప్రజల భద్రత మరింత మెరుగుపడేందుకు అవకాశం ఉంటుందని అధికారులు పేర్కొన్నారు.

ఈ కార్యక్రమంలో ఎస్‌ఐ సాయికృష్ణ, ట్రాఫిక్ సిబ్బంది తిరుపతి, నరేష్, చందు పాల్గొని డార్క్ ఐ బొల్లార్డ్స్ ఏర్పాటు పనులను నిర్వహించారు. ప్రజలు ట్రాఫిక్ నిబంధనలు పాటిస్తూ పోలీసులకు సహకరించాలని అధికారులు విజ్ఞప్తి చేశారు.