బహ్రెయిన్లో సేవలందించిన ఎన్నారై వెంకటస్వామికి హైదరాబాద్ లో ఘన సన్మానం

కార్యక్రమంలో పాల్గొన్న ప్రముఖులు

ఈ కార్యక్రమంలో తెలంగాణ ప్రభుత్వ ఎన్నారై అడ్వైజరీ కమిటీ చైర్మన్, అంబాసిడర్ డా. బి.ఎం. వినోద్ కుమార్, వైస్ చైర్మన్ మంద భీంరెడ్డి, సభ్యుడు చెన్నమనేని శ్రీనివాసరావు, సీఎం ప్రవాసీ ప్రజావాణి లైజన్ ఆఫీసర్ భార్గవి నద్దునూరి, వాలంటీర్ కర్రి పూజారాణి తదితరులు పాల్గొన్నారు.

కష్టమే పెట్టుబడిగా ఎదిగిన ప్రవాసీ

సాధారణ కుటుంబంలో జన్మించిన వెంకటస్వామి తొలుత ఫొటోగ్రాఫర్, వీడియోగ్రాఫర్గా పనిచేశారు. అనంతరం బహ్రెయిన్కు వెళ్లి 2003 నుంచి 2011 వరకు బహ్రెయిన్ మాల్లో సేల్స్మెన్గా పనిచేశారు. కష్టాన్నే పెట్టుబడిగా మార్చుకుని వ్యాపారవేత్తగా ఎదిగారు. ప్రస్తుతం తన కంపెనీలో 15 మందికి ఉపాధి కల్పిస్తున్నారు.

సామాజిక సేవలోనూ క్రియాశీలకం

బహ్రెయిన్లో తెలంగాణ కల్చరల్ అసోసియేషన్ అధ్యక్షుడిగా సేవలందించిన వెంకటస్వామి ప్రస్తుతం తెలుగు కళా సమితి ఉపాధ్యక్షుడిగా కొనసాగుతున్నారు. గల్ఫ్ కార్మికులకు తనవంతు సహాయ సహకారాలు అందిస్తూ సామాజిక సేవలోనూ చురుకుగా పాల్గొంటున్నారు.

యువతకు స్ఫూర్తిదాయకం

సాధారణ కుటుంబం నుంచి విదేశాలకు వెళ్లి స్వయం కృషితో వ్యాపారవేత్తగా ఎదిగిన వెంకటస్వామి ప్రవాసీ ప్రయాణం నేటి యువతకు స్ఫూర్తిదాయకంగా నిలుస్తోంది. ఆయనకు భార్య కవిత, కుమారుడు హరి స్మరణ్, కుమార్తె లిఖిత ఉన్నారు.