స్టాండప్ కమెడియన్ ప్రణీత్ మోర్ నిర్వహించిన ఒక కార్యక్రమంలో, గురుగ్రామ్కు చెందిన వెబ్ డెవలపర్ హిమాన్షు జాంగ్రా చేసిన వ్యాఖ్యలు తీవ్ర వివాదాస్పదమయ్యాయి. డేటింగ్లో ఖర్చు చేసిన డబ్బుకు ప్రతిఫలంగా ఏదో ఆశించానని అతను స్టేజ్పై చెప్పడంతో, మహిళలను అవమానించేలా ఉందని విమర్శలు వెల్లువెత్తాయి. ఈ సంఘటనతో అతడు ఉద్యోగం కోల్పోయాడు.
గురుగ్రామ్కు చెందిన వెబ్ డెవలపర్ హిమాన్షు జాంగ్రా, స్టాండప్ కమెడియన్ ప్రణీత్ మోర్ షోలో మాట్లాడుతూ, ఒక అమ్మాయితో డేటింగ్కు వెళ్లి ఆమె కోసం రూ. 370తో బిర్యానీ కొనిపెట్టానని, ఆ ఖర్చుకు ప్రతిఫలంగా ఏదో ఆశించానని పేర్కొన్నాడు. అతని వ్యాఖ్యలు శారీరక సంబంధాన్ని సూచిస్తున్నాయని, ఇది మహిళలను అవమానించేలా ఉందని పలువురు విమర్శించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
హిమాన్షు వ్యాఖ్యలపై మహిళలు, నెటిజన్లు, ఇతర ప్రముఖులు తీవ్రంగా స్పందించారు. డబ్బు ఖర్చు చేస్తే ఎదుటి వ్యక్తిపై హక్కు వస్తుందనే అతని ఆలోచన ప్రమాదకరమని, మహిళల సమ్మతిని తక్కువ చేసేలా ఉందని విమర్శలు వెల్లువెత్తాయి. ఈ వ్యాఖ్యలు మహిళల పట్ల అగౌరవంగా ఉన్నాయని పలువురు అభిప్రాయపడ్డారు.
