కామారెడ్డిలో వాన కష్టాల్లో నిరాశ్రయులు.. సైన్య సేన అండ

వర్షాల వల్ల ఉపాధి కోల్పోయి ఆహారం కోసం ఇబ్బంది పడుతున్న నిరాశ్రయులను గుర్తించి, వారికి పోషకాహారంతో కూడిన భోజనాన్ని పంపిణీ చేశారు. ఈ సేవా కార్యక్రమం ద్వారా పలువురు ఆకలిని తీర్చుకుని నిర్వాహకులకు కృతజ్ఞతలు తెలిపారు.

ఈ సందర్భంగా సైన్య సేన ప్రతినిధి ఎర్రోళ్ల నరేష్ మాట్లాడుతూ, ప్రకృతి వైపరీత్యాలు, వర్షాల సమయంలో ఎవరూ ఆకలితో ఉండకూడదనే ఉద్దేశంతో ఈ ఉచిత భోజన కార్యక్రమాన్ని చేపట్టామని తెలిపారు. అవసరమైతే ఈ సేవలను మరిన్ని రోజులు కొనసాగిస్తామని ఆయన పేర్కొన్నారు.

స్థానికులు సైన్య సేన చేపట్టిన ఈ సేవా కార్యక్రమాన్ని అభినందిస్తూ, కష్టకాలంలో నిరాశ్రయులకు అండగా నిలవడం ఆదర్శనీయమని ప్రశంసించారు.