కామారెడ్డిలో పేద కుటుంబానికి శ్రీమాతా సేవా ట్రస్ట్ అండ

దాతల సహాయం

ఇప్పటికే మచ్చ నాగరాజు గారు స్వరూప గారి కోసం ఒక పరుపును అందజేశారు. గంజి వెంకటేశం గారు కిరాణా సామానుతో పాటు మూడు బెడ్ షీట్లను ఇచ్చి కుటుంబానికి అండగా నిలిచారు. ఈ సందర్భంగా సహాయం చేసిన దాతలందరికీ శ్రీమాత కుటుంబ సభ్యుల తరఫున కృతజ్ఞతలు తెలిపారు.

ఆర్థిక సహాయం విజ్ఞప్తి

ప్రస్తుతం ఈ కుటుంబానికి తినడానికి సరిపడా ఆహారం, ధరించడానికి బట్టలు కూడా లేని పరిస్థితి నెలకొంది. మానవత్వంతో స్పందించే దాతలు ఈ నిరుపేద కుటుంబానికి తమ వంతు సహాయం అందించాలని ట్రస్ట్ సభ్యులు వినమ్రంగా కోరుతున్నారు.

అవసరమైన వస్తువులు

కుటుంబానికి బియ్యం, పప్పులు, నిత్యావసర కిరాణా సామాను, పాతవి లేదా కొత్తవి అయిన ఉపయోగకరమైన వస్త్రాలు, బెడ్ షీట్లు, దుప్పట్లు, పరుపులు, అలాగే ధన సహాయం అందించాలని విజ్ఞప్తి చేశారు. ఒక కుటుంబం ఆకలితో బాధపడకుండా, ఒక తల్లి కన్నీళ్లు ఆరేలా కలిసి అండగా నిలుద్దామని శ్రీమాత సేవా కుటుంబం పిలుపునిచ్చింది.