తిరుపతిలో అంతర్రాష్ట్ర బైక్ దొంగల ముఠా అరెస్ట్: రూ.25 లక్షల విలువైన 24 బైకులు స్వాధీనం

ముగ్గురు అరెస్ట్, 24 బైకులు స్వాధీనం

తిరుపతి ఎం. భక్తవత్సలం పర్యవేక్షణలో, వెస్ట్ ఇన్స్పెక్టర్ నేతృత్వంలో ఏర్పాటు చేసిన ప్రత్యేక బృందం సాంకేతిక ఆధారాలు, విశ్వసనీయ సమాచారంతో దర్యాప్తు చేసి ఆరెద్దుల వినోద్ కుమార్ (32), చెర్లోపల్లి గోవిందరాజులు (34), గోవిందస్వామి మురళి (30) లను అరెస్ట్ చేశారు.

వారి నుండి ఆంధ్రప్రదేశ్, కర్ణాటక, తమిళనాడు రాష్ట్రాలకు చెందిన 24 చోరీ ద్విచక్ర వాహనాలను స్వాధీనం చేసుకున్నారు. వీటి విలువ సుమారు రూ.25 లక్షలు ఉంటుందని పోలీసులు తెలిపారు. స్వాధీనం చేసుకున్న 24 వాహనాల్లో 9 వాహనాలకు సంబంధించిన చోరీ కేసులను క్రైమ్ నంబర్ల ఆధారంగా గుర్తించారు.

నిందితులపై పలు కేసులు నమోదు

నిందితులపై ఇప్పటికే పలు కేసులు ఉన్నాయని, వినోద్ కుమార్ పై 21, గోవిందరాజులు పై 14, మురళి పై 17 కేసులు నమోదై ఉన్నాయని, జిల్లాలో కూడా కేసులు ఉన్నాయని పోలీసులు వెల్లడించారు.

మిగిలిన 15 వాహనాల యజమానుల గుర్తింపు ప్రక్రియ కొనసాగుతోందని, ముఠాలో మరెవరైనా ఉన్నారా అనే కోణంలో దర్యాప్తు చేస్తున్నామని తెలిపారు.

సిబ్బందికి ఎస్పీ అభినందనలు

ఈ కేసులో ప్రతిభ కనబరిచిన వెస్ట్ ఇన్స్పెక్టర్ రామకృష్ణ, ఎస్సైలు హేమాద్రి, సుబ్బారెడ్డితో పాటు ఇతర సిబ్బందిని ఎస్పీ అభినందించారు.