కేరళ రాజధాని తిరువనంతపురంలో అదృశ్యమైన ఇంటర్ విద్యార్థి అనుమానాస్పద స్థితిలో మృతిచెందాడు. అదృశ్యమైన మరుసటి రోజు అతడి మృతదేహం ఓ నిర్మానుష్య ప్రాంతంలో సంచిలో పెట్టి పడేసిన స్థితిలో లభించింది. ఈ ఘటన స్థానికంగా తీవ్ర కలకలం రేపింది.
ప్రాథమిక దర్యాప్తులో స్నేహితుల మధ్య వివాదమే హత్యకు కారణమై ఉండవచ్చని పోలీసులు అనుమానిస్తున్నారు. తిరువనంతపురంలోని శ్రీకార్యం ప్రాంతంలో కుటుంబంతో కలిసి నివసిస్తున్న అభిరామ్ అనే 17 ఏళ్ల విద్యార్థి, ఆదివారం మధ్యాహ్నం సుమారు 3 గంటల సమయంలో స్నేహితులను కలవడానికి వెళ్తున్నానని చెప్పి ఇంటి నుంచి బయలుదేరాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సాయంత్రం తండ్రికి ఫోన్ చేసి త్వరలో ఇంటికి వస్తానని చెప్పాడు. అయితే ఆ తర్వాత అతడి ఫోన్ స్విచ్ఛాఫ్ అయింది. రాత్రి అయినా ఇంటికి తిరిగి రాకపోవడంతో కుటుంబ సభ్యులు పోలీసులకు ఫిర్యాదు చేశారు. బాలుడి ఆచూకీ కోసం పోలీసులు ఫోన్ వివరాలు, సీసీటీవీ దృశ్యాలను పరిశీలించారు.
