వైఎస్ వివేకా హత్య కేసులో ఈడీ దూకుడు: పలుచోట్ల సోదాలు

10 చోట్ల ఏకకాలంలో తనిఖీలు

ఆంధ్రప్రదేశ్లోని నాలుగు, హైదరాబాద్లోని ఆరు ప్రాంతాల్లో ఈడీ అధికారులు సోదాలు జరుపుతున్నారు. హైదరాబాద్లోని కోకాపేటలో ఉన్న ఎంపీ అవినాష్ రెడ్డి నివాసంలోనూ ఈడీ తనిఖీలు కొనసాగుతున్నాయి. సోదాలు జరుగుతున్న సమయంలో అవినాష్ రెడ్డి ఇంట్లోనే ఉన్నట్లు తెలిసింది. హైదరాబాద్తో పాటు కడపలోనూ ఈడీ సోదాలు కొనసాగుతున్నాయి.

పులివెందులలోనూ సోదాలు

పులివెందులలో దేవిరెడ్డి శంకర్ రెడ్డి, దస్తగిరి ఇళ్లలోనూ ఈడీ అధికారులు సోదాలు నిర్వహిస్తున్నట్లు సమాచారం. అలాగే, ఎర్ర గంగిరెడ్డి, సునిల్ యాదవ్ ఇళ్లలోనూ ఈడీ తనిఖీలు జరుగుతున్నాయి. టి.తుమ్మలపల్లిలోని ఎర్ర గంగిరెడ్డి ఇంట్లోనూ ఈడీ అధికారులు సోదాలు చేస్తున్నట్లు తెలిసింది.

హవాలా లావాదేవీలపై అనుమానం

హవాలా రూపంలో డబ్బులు చెల్లించినట్లు ఈడీ అధికారులు అనుమానిస్తున్నారు. ఈ నేపథ్యంలో రూ.4 కోట్ల నగదు లావాదేవీలపై ఈడీ అధికారులు ఆరా తీస్తున్నట్లు సమాచారం.