కడప గిరిజన బాలికల పాఠశాలలో న్యాయసేవాధికార సంస్థ కార్యదర్శి తనిఖీ

కడప చిన్న చౌక్ నందు ఉన్న గిరిజన సంక్షేమ బాలికల రెసిడెన్షియల్ పాఠశాలను జిల్లా న్యాయ సేవాధికార సంస్థ కార్యదర్శి ఎస్.బాబా ఫక్రుద్దీన్ తనిఖీ చేశారు. విద్యార్థినులకు కల్పిస్తున్న వసతి, భోజనం, విద్యా సదుపాయాలను పరిశీలించి, వారి సమస్యలను అడిగి తెలుసుకున్నారు.

ఆంధ్రప్రదేశ్ రాష్ట్ర న్యాయసేవాధికార సంస్థ, అమరావతి ఆదేశాల మేరకు, జిల్లా ప్రధాన న్యాయధికారి జి. రామ గోపాల్ సూచనల మేరకు ఈ తనిఖీ జరిగింది. పాఠశాలలో బాలికలకు కల్పిస్తున్న వసతి, భోజనం, తాగునీరు, పారిశుధ్యం, విద్యా సదుపాయాలను కార్యదర్శి పరిశీలించారు.

విద్యార్థినులతో నేరుగా మాట్లాడి వారి సమస్యలను అడిగి తెలుసుకున్నారు. ఈ సందర్భంగా, పాఠశాలలో సిబ్బంది కొరతతో పాటు, అవసరమైన ఫర్నిచర్ కొరత కూడా ఉన్నట్లు సంబంధిత అధికారులు కార్యదర్శి దృష్టికి తీసుకువచ్చారు.