దీపావళి పండుగ సందర్భంగా కేంద్ర ప్రభుత్వం ఉద్యోగులకు శుభవార్త అందించింది. అర్హులైన రైల్వే సిబ్బందికి 78 రోజుల వేతనానికి సమానమైన ఉత్పాదకత ఆధారిత బోనస్ను, ఇతర గ్రూప్-సి, గ్రూప్-బి నాన్-గెజిటెడ్ ఉద్యోగులకు 30 రోజుల వేతనానికి సమానమైన తాత్కాలిక బోనస్ను మంజూరు చేస్తూ కేంద్ర మంత్రివర్గం, ఆర్థిక మంత్రిత్వ శాఖ ఆమోదం తెలిపాయి.
2025-26 ఆర్థిక సంవత్సరానికి సంబంధించి అర్హులైన రైల్వే సిబ్బందికి 78 రోజుల వేతనానికి సమానమైన ఉత్పాదకత ఆధారిత బోనస్ చెల్లించేందుకు కేంద్ర మంత్రివర్గం ఆమోదం తెలిపింది. ఈ నిర్ణయంతో సుమారు 11.4 లక్షల మంది ఉద్యోగులకు ప్రయోజనం చేకూరనుంది. బోనస్ చెల్లింపుల కోసం ప్రభుత్వం సుమారు రూ.2,009.61 కోట్లు ఖర్చు చేయనుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రైల్వే ఉద్యోగులకు బోనస్ వివరాలు
ప్రభుత్వ నిర్ణయం ప్రకారం, అర్హత కలిగిన రైల్వే ఉద్యోగులకు గరిష్ఠంగా రూ.17,951 వరకు బోనస్ లభించనుంది. ఉద్యోగుల వేతన పరిమితి, అర్హత నిబంధనల ఆధారంగా ఈ మొత్తాన్ని లెక్కిస్తారు. రైల్వేలో పనిచేస్తున్న అర్హులైన నాన్-గెజిటెడ్ ఉద్యోగులకు ఈ పథకం వర్తిస్తుంది. లోకో పైలట్లు, రైలు నిర్వాహకులు, స్టేషన్ మాస్టర్లు, సాంకేతిక సిబ్బంది తదితర ఉద్యోగులు ఇందులో భాగంగా ప్రయోజనం పొందవచ్చు.
