ఆరేళ్ల కూతురి కాలు విరిచిన కసాయి తండ్రి - అన్నమయ్య అన్నమయ్య లో దారుణం

డిస్ట్రిక్ట్ బ్యూరో ఇన్చార్జ్ కడప డాక్షిన్ టైమ్స్: అన్నమయ్య జిల్లా ములకలచెరువులో మానవత్వాన్ని మరచిన దారుణ ఘటన చోటుచేసుకుంది. భిక్షాటన చేసుకుంటూ జీవనం సాగిస్తున్న దంపతులకు ఆరేళ్ల కుమార్తె ఉంది. శుక్రవారం ఉదయం తండ్రి మద్యం మత్తులో ఉన్నాడు. భిక్షాటనకు వెళ్లి అన్నం తీసుకురావాలని కుమార్తెను ఆదేశించాడు. చిన్నారి వెళ్లకుండా ఇంటి వద్దనే ఆడుకుంటూ ఉండిపోయింది. దీంతో ఆగ్రహానికి గురైన తండ్రి కన్నబిడ్డ అని కూడా చూడకుండా విచక్షణారహితంగా కొట్టాడు. తీవ్రంగా కొట్టడంతో చిన్నారి కాలు విరిగిపోయింది. బాధతో పాప కేకలు వేయడంతో స్థానికులు అక్కడికి చేరుకున్నారు. తండ్రి నుండి బాలికను రక్షించి వెంటనే మదనపల్లె జిల్లా ఆస్పత్రికి తరలించారు. ప్రస్తుతం బాలిక ఆస్పత్రిలో చికిత్స పొందుతోంది. ఘటనపై పోలీసులు కేసు నమోదు చేసి దర్యాప్తు చేస్తున్నారు.