హైదరాబాద్లోని చిక్కడపల్లిలో దారుణం చోటుచేసుకుంది. రోడ్డు పక్కన నిద్రిస్తున్న సుభాష్ అనే వ్యక్తిపై గుర్తుతెలియని దుండగులు సుత్తితో తలపై దాడి చేయడంతో అతను అక్కడికక్కడే మృతి చెందాడు. ఈ ఘటన బుధవారం రాత్రి జరిగినట్లు ప్రాథమిక సమాచారం.
చిక్కడపల్లి ప్రాంతంలో రోడ్డుపై వ్యక్తి మృతదేహం పడి ఉండటాన్ని గమనించిన స్థానికులు పోలీసులకు సమాచారం అందించారు. వెంటనే అప్రమత్తమైన చిక్కడపల్లి పోలీసులు ఘటనా స్థలానికి చేరుకుని పరిశీలించారు. మృతుడి తలపై సుత్తితో దాడి జరిగినట్లు, తీవ్ర గాయాలైనట్లు ప్రాథమిక విచారణలో వెల్లడైంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ హత్య వెనుక మృతుడికి తెలిసిన వ్యక్తుల ప్రమేయం ఉండవచ్చని పోలీసులు అనుమానిస్తున్నారు. అయితే, హత్యకు గల కారణాలు, నిందితుల వివరాలు ఇంకా అధికారికంగా వెల్లడికాలేదు. ఈ ఘటనపై కేసు నమోదు చేసుకున్న పోలీసులు దర్యాప్తు ముమ్మరం చేశారు.
