మహిళపైకి ట్రాక్టర్ ఎక్కించిన కేసులో నిందితుడికి 5 ఏళ్ల జైలు శిక్ష

పోలీసుల దర్యాప్తు, కోర్టులో రుజువు

అప్పటి చౌడేపల్లి ఎస్ఐ జి. రవికుమార్ ఈ ఘటనపై కేసు (..153/2023 / 307 ) నమోదు చేసి పక్కాగా దర్యాప్తు చేశారు. సాక్షులను విచారించి, మెడికల్ సర్టిఫికెట్లు, నేరానికి వాడిన వాహనాలను సీజ్ చేసి కోర్టుకు బలమైన ఆధారాలు సమర్పించారు. పోలీస్ కోర్ట్ మానిటరింగ్ సిస్టమ్ ద్వారా ఈ కేసును అన్నమయ్య జిల్లా పోలీసులు ఎప్పటికప్పుడు పర్యవేక్షించారు. కోర్టులో అదనపు పబ్లిక్ ప్రాసిక్యూటర్ జె. గణపతి గారు బాధితుల తరపున బలంగా వాదనలు వినిపించడంతో నేరం రుజువైంది.

దీంతో .. సెక్షన్ 235(2) కింద నిందితుడు పాశం నాగరాజను దోషిగా నిర్ధారించిన న్యాయమూర్తి.. శిక్ష ఖరారు చేశారు. ఈ కేసులో సమర్థవంతంగా దర్యాప్తు చేసిన అప్పటి ఎస్ఐ జి. రవికుమార్ ను, కోర్టులో కేసును సమన్వయం చేసిన ప్రస్తుత చౌడేపల్లి ఎస్ఐ జి. చిన్న రెడ్డప్పను అన్నమయ్య జిల్లా ఎస్పీ శ్రీ ధీరజ్ కునుబిల్లి ఐపీఎస్ గారు ప్రత్యేకంగా అభినందించారు.

నేరం రుజువు కావడంలో కీలక పాత్ర పోషించిన ఏపీపీ జె. గణపతి, కోర్టు లైజన్ ఆఫీసర్ హెడ్ కానిస్టేబుల్ జి. సతీష్ కుమార్, కోర్టు కానిస్టేబుల్ కె. నాగరాజలను కూడా ఎస్పీ గారు ప్రశంసించారు. చట్టాన్ని చేతుల్లోకి తీసుకుని ఎదుటివారి ప్రాణాలకు ముప్పు వాటిల్లేలా వ్యవహరిస్తే ఎంతటి వారైనా శిక్ష అనుభవించక తప్పదని, ఈ తీర్పు నేరస్థులకు ఒక హెచ్చరిక లాంటిదని జిల్లా ఎస్పీ గారు ఈ సందర్భంగా స్పష్టం చేశారు.