కర్ణాటకలోని రేవా విశ్వవిద్యాలయం ( ) క్యాంపస్లో ప్రపంచ ఆర్కిటెక్చర్ దినోత్సవాన్ని ఘనంగా నిర్వహించారు. ఈ కార్యక్రమంలో స్థిరమైన నిర్మాణ విధానాలు, ఆర్కిటెక్చర్ విద్యలో ప్రాక్టికల్ శిక్షణ, సంప్రదాయ నిర్మాణ కళల ప్రాధాన్యంపై చర్చించారు. రేవా విశ్వవిద్యాలయ ఛాన్సలర్ డాక్టర్ పి. శ్యామ రాజు, ప్రముఖ ఆర్కిటెక్ట్ విను డేనియల్ ఈ కార్యక్రమంలో పాల్గొన్నారు.
రేవా విశ్వవిద్యాలయం క్యాంపస్లో జరిగిన ఈ కార్యక్రమంలో, దేశ అభివృద్ధికి విద్య, వైద్యం, వ్యాపార రంగాలు కీలకమని విశ్వవిద్యాలయ ఛాన్సలర్ డాక్టర్ పి. శ్యామ రాజు పేర్కొన్నారు. వేగంగా పెరుగుతున్న పట్టణీకరణ, వ్యవసాయ భూములు తగ్గిపోతున్న నేపథ్యంలో విద్య, వైద్య రంగాల ప్రాముఖ్యత మరింత పెరిగిందని ఆయన అన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విశ్వవిద్యాలయం అనుసరిస్తున్న ఎడ్యుకేట్ టు ఎంటర్ప్రైజ్ ( ) విధానాన్ని ప్రస్తావిస్తూ, విద్యార్థులు ఉద్యోగాలకు మాత్రమే పరిమితం కాకుండా సొంత సంస్థలు లేదా వ్యాపారాలను ప్రారంభించే సామర్థ్యాన్ని కూడా పెంపొందించుకోవాలని ఆయన సూచించారు. కృత్రిమ మేధస్సు () ప్రభావం పెరుగుతున్నప్పటికీ, ఆర్కిటెక్చర్ రంగంలో చేతితో బొమ్మలు గీయడం, డిజైన్ ఆలోచనా విధానం, ప్రాక్టికల్ శిక్షణ ఎంతో ముఖ్యమని ఆయన తెలిపారు.
