పోలీస్ ఫ్లాగ్ డే2026 సందర్భంగా కామారెడ్డి జిల్లాలోని వివిధ పోలీస్ స్టేషన్లలో విద్యార్థులకు ఓపెన్ హౌస్ కార్యక్రమాలు నిర్వహించారు. జిల్లా ఎస్పీ ఎం. రాజేష్ చంద్ర ఐపీఎస్ ఆదేశాల మేరకు జరిగిన ఈ కార్యక్రమంలో పోలీసుల విధులు, బాధ్యతలపై అధికారులు ప్రత్యక్ష అవగాహన కల్పించారు.
పోలీసు అమరవీరుల సంస్మరణ వారోత్సవాల్లో భాగంగా శనివారం ఈ కార్యక్రమాలు జరిగాయి. పోలీస్ స్టేషన్లలో కేసుల నమోదు, నేరాల దర్యాప్తు, ఆధారాల సేకరణ, వేలిముద్రల గుర్తింపు, ఆధునిక సాంకేతిక పరిజ్ఞానం వినియోగం వంటి అంశాలపై విద్యార్థులకు అధికారులు వివరించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పోలీస్ స్టేషన్లలోని వివిధ విభాగాలు, ఆయుధాలు, భద్రతా పరికరాలు, సీసీటీవీ కెమెరాలు, పెట్రోలింగ్ విధానాలను కూడా విద్యార్థులకు చూపించి, అవగాహన కల్పించారు. మహిళలు, బాలికల రక్షణకు అమలు చేస్తున్న షీ టీమ్స్, భరోసా కేంద్రాల సేవలను గురించి తెలియజేశారు.
