నేర నియంత్రణ, నాణ్యమైన దర్యాప్తుపై కామారెడ్డి ఎస్పీ ఆదేశాలు

రోడ్డు ప్రమాదాల నివారణకు ప్రమాదకర ప్రాంతాలను హాట్స్పాట్లుగా గుర్తించి, అవసరమైన చోట ప్రమాద సూచిక బోర్డులు, స్పీడ్ బ్రేకర్లు ఏర్పాటు చేయాలని ఆదేశించారు. ఆర్థిక, సైబర్ నేరాలపై ప్రజలకు విస్తృత అవగాహన కల్పించాలని సూచించారు. జూదంపై ప్రత్యేక నిఘా ఏర్పాటు చేసి, చట్టవిరుద్ధ కార్యకలాపాలకు పాల్పడేవారిపై కఠిన చర్యలు తెలిపారు.

పండుగ బందోబస్తు, మహిళా భద్రత

దుర్గా నవరాత్రుల సందర్భంగా ముందస్తు ప్రణాళికతో పటిష్ట బందోబస్తు, ట్రాఫిక్ నియంత్రణ, నిరంతర నిఘా చేపట్టి, ఉత్సవాలను ప్రశాంతంగా నిర్వహించాలని ఆదేశించారు. మహిళల భద్రతకు షీ టీమ్స్ అప్రమత్తంగా పనిచేయాలని సూచించారు. ప్రతి గ్రామంలో కీలక ప్రాంతాల్లో కమ్యూనిటీ సీసీ కెమెరాల ఏర్పాటుకు చొరవ చూపాలని తెలిపారు.

ఉత్తమ ప్రతిభకు గుర్తింపు

విధి నిర్వహణలో ఉత్తమ ప్రతిభ కనబరిచిన పోలీసు అధికారులు, సిబ్బందిని ఎస్పీ నగదు రివార్డులు, ప్రశంసాపత్రాలతో సత్కరించారు. సమావేశంలో అదనపు ఎస్పీ కే. నర్సింహారెడ్డి, డీఎస్పీలు మధుసూదన్, శ్రీనివాసరావు, గట్టుమల్లు, విజయభాస్కర్, ఇన్స్పెక్టర్లు, ఎస్ఐలు తదితరులు పాల్గొన్నారు.