ఫీజు రీయింబర్స్మెంట్ బకాయిలు విడుదల చేయాలి: రాష్ట్ర ఉపాధ్యక్షులు

రాష్ట్రంలో విద్యార్థులు ఎదుర్కొంటున్న సమస్యలను ప్రభుత్వం తక్షణమే పరిష్కరించాలని నరసింహులు డిమాండ్ చేశారు. విద్యార్థుల విద్యా హక్కులు, ఉన్నత విద్య, ఉపాధి అవకాశాల కోసం ప్రభుత్వం సమగ్ర చర్యలు తీసుకోవాలని అన్నారు. రాష్ట్రంలో పెండింగ్లో ఉన్న ఫీజు రీయింబర్స్మెంట్ బకాయిలైన 7,000 కోట్లను ప్రభుత్వం తక్షణమే విడుదల చేయాలని ఆయన కోరారు.

ఫీజు రీయింబర్స్మెంట్ అందక విద్యార్థులు, కళాశాలలు ఎదుర్కొంటున్న ఇబ్బందులను పరిష్కరించాలని సూచించారు. .77ను రద్దు చేసి, చదువుతున్న విద్యార్థులందరికీ ఫీజు రీయింబర్స్మెంట్ వర్తింపజేయాలని డిమాండ్ చేశారు. ఉన్నత విద్యను అభ్యసిస్తున్న విద్యార్థులకు ఆర్థిక ఇబ్బందులు లేకుండా ప్రభుత్వం బాధ్యత తీసుకోవాలని అన్నారు.

ప్రభుత్వ ఆధీనంలో ఉన్న ప్రభుత్వ మెడికల్ కళాశాలల నిర్మాణాలను నిర్ణీత గడువులో పూర్తిచేసి, విద్యార్థులకు అందుబాటులోకి తీసుకురావాలని సూచించారు. వైద్య విద్యా రంగాన్ని బలోపేతం చేయడానికి ప్రభుత్వం తగిన చర్యలు తీసుకోవాలని తెలిపారు. విద్యార్థుల సమస్యల పరిష్కారం కోసం నిరంతరం పోరాటాలు నిర్వహిస్తుందని, విద్యార్థుల హక్కుల సాధన కోసం ఉద్యమాలను మరింత బలోపేతం చేస్తామని నరసింహులు తెలిపారు.

ఈ కార్యక్రమంలో జిల్లా అధ్యక్ష కార్యదర్శులు ఆఫ్రిద్, కమలాకర్ నాయుడు, జిల్లా ఉపాధ్యక్షులు గణేష్ రాయల్, సాయికుమార్ రెడ్డి, సాయి హేమంత్, రాజు, మన్సూర్, భార్గవ్, హరీష్, తదితరులు పాల్గొన్నారు.